الرئيسية
التسجيل
الآقامه
السلام عليكم و رحمه الله و بركاته
عيب اقول " احبكـ " عيب اقول " اشتقت لك "
موضوعي هو عن المــشاعر و الأحاسيس
طبعاً كلنا بشر لنا احاسيس سواء حب , شوق , كرهـ و ألــم
و تختلف من شخص لأخر بحسب درجتها
لاكن الموضوع يدور حول .. اننا ليش نكتم هالمشاعر و نخبيها بداخلنا
مثلاُ :: الحب
اللي يسمع هالكلامه علطول يطري على باله .. حب بين رجل و فتاه ..
اقصد بالحب بين الام , الاب , الاخوان , الاصحاب
يعني في حياتنا اليوميه .. متى نسمع احد قالنا " يا فلانـ / ــه انا احبكـ"نادراً نسمعها صح ..
الام ما تقولها لبنتها , الاخت ما تقول لاختها , و كذلك الابو ما يقولها لافراد اسرته
البعض بيقول ماله داعي نقولها لان الافعال تبين اننا نحب بعض
بس حتى لو .. كل واحد فينا يفكر لو شخص قاله " احبك " وش بيحس
بيفرح و يرتاح و يحس انه مهم
فاكيد كل شخص يتمني سماع هالكلمه
و غيرها " اشتقت لك "
ممكن لما الشخص يرجع من دوامه , مدرسه , سفره .. ودهـ يسمع كلمه حلوه
" عاش من شافك .. اشتقنا لك ... الخ "
يعني بصراحه اشوف ايامنا جداً عاديه .. حتى نستحي نقول هالكلمات و نظن انها " عيب "
و كلمه عيب حاطينها في بالنا على الكلمات الحلوهـ
اما لو سب , لعن , او دعوه شينه .. ما تصير عيب , عادي تنقال
من هالاوضاع اللي احنا فيها .. يلجأون بعض البنات لعلاقات ما تجوز علشان الكلام الحلو
او الرجال يخون زوجته و يتقرب من ثانيه علشان الكلام الحلو
الولــد تعود على وصف " عيب " للمشاعر الحلوه و يكبر على كذا .. و ما يقولها
خلاصه الموضوع ..
نبي نعرف وش الاسباب اللي تخلينا متحفظين بمشاعرنا تجاه احبابنا و قرايبنا .. و ليش نستحي ؟؟
اتمنى التفاعل مع الموضوع .. و ما نكتفي بكلمه " شكراً او يسلموا "
